ՀՀ կրթության և գիտության նախարար Արմեն Աշոտյանն այսօր ընդունեց ՀՀ-ում Բելառուսի Հանրապետության արտակարգ և լիազոր դեսպան Ստեպան Սուխարենկոյին: Հանդիպման ընթացքում նախանշվեցին կրթության  և գիտության ոլորտում երկու երկրների միջև համագործակցության ընդլայնմանը միտված հետագա անելիքները: Կողմերը քննարկեցին նախորդ հանդիպման ընթացքում նախարար Ա. Աշոտյանի առաջարկը` հայ-բելառուսական գիտակրթական  ֆորում անցկացնելու վերաբերյալ, որը փոխշահավետ  և հեռանկարային կլինի երկու կողմերի  համար ինչպես  փորձի փոխանակման, այնպես էլ նոր գիտակրթական ծրագրերի իրականացման տեսանկյունից:

Փետրվարի 5-ին Երևանի պետական բժշկական համալսարանում տեղի է ունեցել համալսարանի խորհրդի հերթական նիստը, որի ընթացքում ընդունվել է  խորհրդի գործող նախագահ Ս. Սեյրանյանի հրաժարականը և փակ գաղտնի քվեարկությամբ ձայների 26 կողմ և 1 դեմ հարաբերակցությամբ խորհրդի նոր նախագահ է ընտրվել ՀՀ կրթության և գիտության նախարար Ա. Աշոտյանը: Նիստի ընթացքում խորհուրդը քննարկել է  բուհի 2009 թվականի հաշվետվությունը և հաստատել 2010 թվականի նախահաշիվը: Համալսարանի խորհրդի նիստում քննարկվել են նաև բարձրագույն բժշկական կրթությանը, ոլորտում իրականացվող բարեփոխումներին և Բոլոնիայի գործընթացին առնչվող մի շարք խնդիրներ:

Փետրվարի 4-ին ՀՀ կառավարության նիստի օրակարգում ընդգրկված են կրթության ոլորտի վերաբերյալ հետևյալ հարցերը`
 «Հայաստանի Հանրապետության կառավարության և Արաբական Միացյալ Էմիրությունների կառավարության միջև գիտատեխնիկական համագործակցության մասին համաձայնագրի կնքման առաջարկությանը համաձայնություն տալու մասին»,