Մայրաքաղաքի Ջ.Կիրակոսյանի անվան դպրոցում այսօր տեղի ունեցավ «Հայոց լեզվի և հայ գրականություն» առարկայի միասնական լրացուցիչ քննությունը, որին մասնակցում էր շուրջ 350 շրջանավարտ։ Նրանցից 76-ը Ջավախքի դիմորդներ են‚ 31-ը՝ բանակից զորացրվածներ։ Լրացուցիչ քննություններին մասնակցելու համար հայտագրվել է‚ ընդհանուր առմամբ‚ 644 դիմորդ-շրջանավարտ։ Հունիսի 6-ին տեղի կունենան ռուսաց լեզվի‚ 8-ին` մաթեմատիկայի‚ 10-ին` օտար լեզուների լրացուցիչ քննությունները։

Հրապարակվեցին նաեւ միասնական քննությունների արդյունքների բողոքարկման ամբողջական տվյալները։