Հարգելի բարեկամ,
Ողջունում եմ Ձեզ Հայաստանի Հանրապետության կրթության և գիտության նախարարության պաշտոնական կայքում։ Ցանկանում եմ իմ երախտագիտությունը հայտնել կայքի այցելուներին` ոլորտի նկատմամբ ցուցաբերած  հետաքրքրության  համար: Մենք փորձել ենք ձևավորել համագործակցության այնպիսի միջավայր, որը հնարավորություն կտա ոչ միայն  բավարարել համակարգի վերաբերյալ Ձեր տեղեկատվական պահանջմունքները, այլև առաջարկություններով և հարցադրումներով ակտիվ մասնակցություն ունենալ մշակվող քաղաքականությանն ու իրականացվող գործընթացներին:
Կայքը հնարավորություն է ընձեռում ծանոթանալ գերատեսչության կառուցվածքին և գործունեությանը, ոլորտը կարգավորող օրենսդրությանը, ինչպես նաև առաջին  աղբյուրից օգտակար և հավաստի տեղեկություն ստանալ նոր փուլ թևակոխած կրթական բարեփոխումների ընթացքի վերաբերյալ:
Հարգելի այցելու, կայքի միջոցով Դուք կարող եք անմիջական հաղորդակցություն ապահովել Ձեր և ոլորտի պատասխանատուների միջև: Հավաստիացնում եմ, որ Ձեր յուրաքանչյուր հարցադրում և առաջարկություն կարժանանա մեր ուշադրությանը:
Արդյունավետ համագործակցության ակնկալիքով`

ՀՀ կրթության և գիտության նախարար
ԱՐՄԵՆ ԱՇՈՏՅԱՆ

ԿԵՆՍԱԳՐՈՒԹՅՈՒՆ

ՀԱՐՑԱԶՐՈՒՅՑՆԵՐ

ՄԱՐԶԱՅԻՆ ՕՐԱԳԻՐ