Հայաստանի Հանրապետության կրթության և գիտության նախարարության գիտության պետական կոմիտեն ստեղծվել է ՀՀ նախագահի 2007թ.-ի հոկտեմբերի 1-ի թիվ ՆՀ 174-Ն հրամանագրով` որպես նախարարության կառավարման ոլորտում գործող պետական մարմին: Գիտության պետական կոմիտեն մշակում և իրականացնում է գիտության ոլորտում ՀՀ կառավարության քաղաքականությունը:

 

·        հանրապետության գիտական և գիտատեխնիկական ներուժի զարգացումը, դրա ռացիոնալ տեղաբաշխումը և պահպանումը, գիտական և գիտատեխնիկական կադրերի պատրաստման արդյունավետ համակարգի ձևավորումը, հասարակության մտավոր ներուժի վերարտադրմանը նպաստելը,

·        գիտության ոլորտի զարգացման ու բնականոն գործունեության ապահովումը` որպես տնտեսության զարգացման, երկրի անվտանգոթյան ապահովման, կրթության, մշակույթի և հասարակական առաջընթացի բացառիկ կարևոր գործոն,

·        գիտական և գիտատեխնիկական քաղաքականության մշակումն ու իրականացումը,

·        նորամուծական (ինnվացիոն) քաղաքականության մշակմանն ու իրականացմանը մասնակցելը, Հայաստանի Հանրապետությունում հիմնարար ու կիրառական գիտության և գիտատեխնիկական արդյունքի ու բարձր տեխնոլոգիաների ներդրմանն աջակցելը:

 

·       գիտության ոլորտում ՀՀ պետական քաղաքականության մշակում,

·       գիտության ոլորտի կառուցվածքային բարեփոխումների մշակում և իրականացման կազմակերպում,

·       գիտության զարգացման հեռանկարային ու նպատակային գիտատեխնիկական ծրագրերի մշակումը ու դրանց իրականացման կազմակերպում,

·       նպաստել միջազգային կապերի զարգացմանը,

·       իր ենթակայությանը հանձնված կազմակերպությունների գործունեության համակարգում  և վերահսկում,

·       գիտության, կրթության և արտադրության ինտեգրմանը, սոցիալական խնդիրների լուծմանն ու մարդու, հասարակության և պետության անվտանգության ապահովմանն ուղղված գիտական և գիտատեխնիկական գործունեության իրականացման կազմակերպում,

·       հանրապետության գիտական ու գիտատեխնիկական ներուժի վերարտադրության և զարգացման ապահովում,

·       գիտատեխնիկական համակարգի զարգացման և տարածման, միջազգային գիտատեխնիկական համակարգին ինտեգրման ապահովում,

·       գիտության ժամանակակից ենթակառուցվածքի ու տեղեկատվական համակարգի ձևավոևում և զարգացում,

·       գիտական աստիճանաշնորհման համակարգի բարեփոխումների մշակում,

·       գիտական արդյունքի ապրանքայնացմանը և ներքին ու արտաքին շուկայում դրա ներդրմանն աջակցելը,

·       գիտության ոլորտի գիտական փորձաքննության անկախ համակարգի ստեղծում,

·       գիտության և տեխնոլոգիաների գերակա ուղղությունների հստակեցում և դրանց վերաբերյալ առաջարկությունների մշակում: